2026 жылғы 14 сәуір күні Семей қаласындағы ІТ және жаңа технологиялар жоғары колледжі базасында жас мамандардың жасанды интеллект (AI) технологияларын білім беру, шығармашылық және кәсіби салада тиімді қолдану дағдыларын дамыту, сондай-ақ өңірдегі цифрлық мәдениет пен инновациялық ортаны нығайту мақсатында Абай облысының техникалық және кәсіптік білім беру ұйымдарының жас мамандарына арналған «AI-Master: шығармашылық, технология және өсу» атты облыстық workshop ұйымдастырылды.
Workshop төрт бағытта өтті:
- Информатика оқытушыларына арналған AI-LAB;
- Ағылшын тілі оқытушыларына арналған AI Speak Studio;
- Гуманитарлық бағыттағы Creative Thinking Hub;
- Техникалық салаға арналған Smart Tech Workshop.
Workshop барысында Абай облысының колледждерінен келген 45 жас оқытушы заманауи AI құралдарының мүмкіндіктерімен таныса отырып, практикалық тұрғыда:
- жасанды интеллект платформаларын қолдану жолдарын меңгерді;
- визуалды, мәтіндік және мультимедиялық контент жасауды үйренді;
- практикалық тапсырмалар арқылы өз дағдыларын жетілдірді.
Әр бағытта қатысушылар теориялық білім алып қана қоймай, жасанды интеллект көмегімен:
- сабақ жоспарларын;
- практикалық тапсырмаларды;
- кейстер мен оқу материалдарын әзірледі.