2026 жылғы 10 сәуір күні облыс бойынша қазақ тілінде оқытатын мектепке дейінгі ұйымдардың меңгерушілері мен тәрбиешілерінің еркін сөйлеу дағдыларын дамытуға қолдау көрсету, кәсіби сөйлеу мәдениетін жетілдіру және тәжірибе алмасуға жағдай жасау мақсатында «Қазақ тілінде еркін сөйлеу дағдыларын қалыптастыру жолдары» тақырыбында облыстық онлайн-семинар өткізілді.
📚Семинарға облыстың аудандары мен қалаларынан балабақша меңгерушілері, тәрбиешілер, әдіскерлер белсене қатысты.
Семинар барысында Семей қаласының № 32 және № 43 мектептерінің қазақ тілі мен әдебиеті пәні мұғалімдері Т. А. Әділханова және
А. С. Шошаева қатысушылар назарына қазақ тілінде таза сөйлеу дағдыларын дамытуға бағытталған тиімді әдіс-тәсілдер мен нақты жұмыс үлгілерін ұсынды.
Шара соңында қатысушылар өз ой-пікірлерін ортаға салып, тәжірибе алмасу маңыздылығын ерекше атап өтті.