БІРЫҢҒАЙ РЕСПУБЛИКАЛЫҚ СЫНЫП САҒАТЫ ҰЙЫМДАСТЫРЫЛДЫ
«Адал азамат» біртұтас тәрбие бағдарламасының «Заң және тәртіп» құндылығын жүзеге асыру аясында білім алушыларға Қазақстан Республикасының жаңа Конституциясының мазмұнын түсіндіру, құқықтық сауаттылығын арттыру және азаматтық жауапкершілігін қалыптастыру мақсатында Абай облысының білім беру ұйымдарының 11-сынып оқушыларына арналған «Білім – мемлекеттік саясаттың басты құндылығы: жаңа Конституцияда айқындалған басымдықтар» тақырыбында бірыңғай сынып сағаттары өткізілді.
Сынып сағаттарында білімнің қоғам дамуындағы рөлі, жас ұрпақтың ел болашағына қосар үлесі, сондай-ақ әр азаматтың заң алдындағы жауапкершілігі туралы маңызды мәселелер кеңінен талқыланды.
Абай облысы бойынша аталған танымдық сынып сағаттарына 20 мыңға жуық түлек қамтылды. #адал_азамат_абай_облысы