2026 жылғы 3 сәуір күні арнайы білім беру ұйымдарының педагогтеріне арналған «Арнайы білім беру ұйымы педагогінің үздік сабағы» байқауының облыстық кезеңі өтті.
Мақсаты - арнайы білім беру ұйымдары педагогтерінің кәсіби шеберлігін арттыру және үздік сабақ тәжірибелерін анықтау.
Іс-шараға арнайы білім беру ұйымдарынан 16 педагог қатысты.
Байқау арнайы педагогтердің кәсіби дамуын ынталандырып қана қоймай, педагогикалық инновациялар мен тәжірибе алмасуға қолайлы алаң қалыптастырды. Байқау ережелері мен критерийлеріне сәйкес қазылар алқасының ортақ шешімі бойынша:
І орын - Абай облысы білім басқармасының № 5 арнайы мектеп-интернатының қазақ тілі мен әдебиеті пәні мұғалімі Мосенова Назым Қанатқызы;
ІІ орын - Абай облысы білім басқармасының № 6 арнайы мектеп-интернатының дефектолог мұғалімдері Намазбаева Айгуль Алибековна мен Тортенова Алия Оралбековна;
ІІІ орын - Абай облысының ерекше режимде ұстайтын арнайы мектеп-интернатының қазақ тілі мен әдебиеті пәні мұғалімі Чукушева Альмира Алтаевна;
ІІІ орын - Абай облысы білім басқармасының № 6 арнайы мектеп-интернатының дефектолог мұғалімі Лукьянова Татьяна Геннадьевна;
ІІІ орын - Абай облысы білім басқармасының № 5 арнайы мектеп-интернатының бастауыш сынып мұғалімі Рахимбекова Батагоз Серикхановна;
Барлық қатысушыларға инклюзивті білім беру саласын дамытуға қосқан үлестері мен кәсіби белсенділіктері үшін ризашылық білдіреміз. Педагогтердің кәсіби қызметіне шығармашылық табыс пен жаңа жетістіктер тілейміз.