📚Мектепішілік робототехника жарыстарын ұйымдастыру бойынша педагогтерге арналған оқыту семинары өтті.

🎯«Жасампаз ұрпақ» жобасы аясында Аягөз, Бесқарағай, Жарма, Мақаншы аудандары мен Семей қаласының педагогтерінің қатысуымен «Мектепішілік робототехника жарыстарын ұйымдастыру» тақырыбында педагогтерге арналған 2 күндік семинар өтті.

Семинар мектептерде робототехника бағытындағы жұмысты жүйелеуге, мектепішілік жарыстарды сауатты ұйымдастыруға және оқушылардың инженерлік ойлауын дамытуға бағытталған.

Қатысушылар теория мен практиканы ұштастыра отырып, робототехника бойынша жарыстарды ұйымдастыру форматы, құрылымы және тиімді әдіс-тәсілдерін меңгерді. Сонымен қатар, менторлар өз тәжірибелерімен бөлісіп, білім беру үдерісіне заманауи құралдар мен технологияларды енгізу жолдарын талқылады.

Жоба аясындағы бұл бастама - педагогтердің кәсіби дамуын қолдап, мектептерде STEM мәдениетін қалыптастыруға жасалған нақты қадам.