⚡Облыстық инновациялық-әдістемелік орталықтың инклюзивті білім беру бөлімінің ұйымдастыруымен 2026 жылғы 09 ақпанда мектепке дейінгі және жалпы орта білім беру ұйымдарының педагог-ассистенттері арасында «Үздік педагог-ассистент» облыстық сырттай байқауы өткізілді.
Конкурстың ережесіне сәйкес байқау онлайн форматта өтті.

Байқау педагог-ассистент қызметінің беделін арттыру, ерекше білім беру қажеттіліктері бар білім алушыларды сүйемелдеудің тиімді тәжірибесін анықтау және тарату, сондай-ақ педагог-ассистенттердің кәсіби шеберлігі мен шығармашылық әлеуетін дамыту мақсатында ұйымдастырылды.

Конкурс ережелері мен критерийлеріне сәйкес қазылар алқасының ортақ шешімі бойынша:
🥇 орын - Уразбекова Балжан Базарбекқызы, Семей қаласы білім бөлімінің № 36 жалпы орта білім беретін мектебі» КММ;
🥈 орын - Алтынбекова Гульнур Заманбековна, Абай облысы білім басқармасының Көкпекті ауданы білім бөлімінің «Мұхтар Әуезов атындағы орта мектебі» КММ;
🥉 орын - Кабденова Айя Аскаркызы, Абай облысы білім басқармасының Бесқарағай ауданы білім бөлімінің «Қайрат Рысқұлбеков атындағы орта мектебі» КММ.
🎖«Үздік бейне визитка» номинациясы Абай облысының білім басқармасы Аягөз ауданы білім бөлімінің «№ 5 жалпы орта білім беретін мектебі» КММ Ибраимова Мадина Кенжегуловнаға берілді.

Барлық қатысушыларға инклюзивті білім беру саласына қосқан үлесі мен белсенділігі үшін алғыс білдіреміз! Жүзден жүйрік атанған үздік педагог – ассистенті құттықтаймыз!
Педагогтерге шығармашылық шабыт пен кәсіби өсу жолында жаңа белестер мен табыс тілейміз!