Мақсат:
Оқушылардың азаматтық жауапкершілік пен патриотизмді, парасаттылық пен адалдықты, рухани-адамгершілік құндылықтарды бойына сіңіру арқылы үйлесімді дамыған тұлға қалыптастыру.

Кездесу барысында:

• «Өнегелі 15 минут» форматы

• күй әуенімен қоңырау соғу дәстүрі

• ұлттық ойындарды сабақ пен үзіліс кезінде қолдану тәжірибесі

Сондай-ақ оқушылардың мектептен тыс өмірлік тәжірибесін байыту жолдары мен тәрбие жұмысын мемлекеттік органдар, құқық қорғау, денсаулық сақтау, ішкі саясат құрылымдарымен бірлесе жүргізудің тиімді әдістері қарастырылды.

Бағдарлама аясында ұсынылған 6 ірі жоба:

• «Қамқор» – экология және волонтерлік бағытта

• «Еңбегі адал – жас өрен» – еңбекке баулу және кәсіби бағдар

• «Smart Bala» – IT және инновациялық ойлауды дамыту

• «Шабыт» – өнер мен мәдениет арқылы рухани даму

• «Ұшқыр ой алаңы» – пікірсайыс пен зияткерлік ойындар

• «Балалар кітапханасы» – оқу сауаттылығы мен кітап мәдениетін арттыру

Сонымен қатар, буллинг пен киберқауіпсіздік бағытында:

• «Цифрлық әлемде қауіпсіз қадам»

• «Буллингтен қорған!»

• «Қауіпсіз қоғам» жобалары таныстырылып, балалар арасындағы қауіптің алдын алу мен ата-ана, мектеп, қоғам байланысын нығайту жолдары талқыланды.

Мектептің ішкі және сыртқы келбетіне арналған бірыңғай визуалды стандарт – брендбук үлгісі көрсетіліп, ұлттық құндылықтар мен мәдениетті бейнелейтін орта қалыптастыруға арналған әдістемелік нұсқаулықтар ұсынылды.

Бұл әдістемелік қолдау – мектеп ұжымының тәрбие жүйесін жаңғыртып, құндылыққа негізделген білім беру ортасын нығайтуға бағытталған маңызды қадам.