2025 жылғы 19 қыркүйек күні Абай облысы білім басқармасының «Облыстық инновациялық-әдістемелік орталығы» КММ жоспарына сәйкес Көкпекті ауданында «Мектептегі өзгерістерді басқару: заңнамалық өзгерістер, оларды іске асыру» атты семинар-тағылымдама ұйымдастырылды.

Шара барысында Абай ауданы білім бөлімінің «Жалпы білім беретін орта мектебі» КММ директорының оқу ісі жөніндегі орынбасары Әбенова Дидар Бектұрқызы және «Жалпы білім беретін Қарауыл гимназиясы» КММ директорының оқу ісі жөніндегі орынбасары Абламбаева Тоғжан Мақсұтбекқызы заңнамалық өзгерістерге шолу жасап, мектептегі инновацияларды енгізудің тиімділігін тәжірибелік жаттығулар арқылы көрсетті.

Қатысушылар «Құқықтық қателіктер мен тәуекелдер» кейстерін орындап, ішкі нормативтік құжаттарды бейімдеуді үйреніп, өзгерістерді басқарудың әрекет жоспарын бірлесе құруға мүмкіндік алды.

Бұл көшпелі семинар-тағылымдама мектеп директорлары мен орынбасарларының кәсіби дамуына серпін беріп, тиімді басқару жүйесін қалыптастыруға үлес қосты.